ಘಜಲ್:
ಹೇಗೆ ಹೇಳಲಿ ನಿನಗೆ ನನ್ನ ಮನದ ಮಾತು
ಇಬ್ಬನಿ ತೊಳೆದ ನಸುಕಿನಲ್ಲಿ ಹೊಳೆದ ಮಾತು
ಉಷೆಯ ಲತೆಯಂತೆ ಬಳುಕಿ ಸರಿದಿರಲು ನೀ
ಒಡೆದ ಆ ಕೆಂಪು ಚಿಗುರಿನಲಿ ತೆರೆದ ಮಾತು
ಉರಿವ ಬಿಸಿಲ ಧಗೆ ಬೆವರ ಮಳೆ ಸುರಿದಿರಲು
ನಿನ್ನ ನೆರಳ ಆ ಸೆರಗುಗಳು ಪೊರೆದ ಮಾತು
ಮುನಿದ ಮುಗಿಲು ಇಳೆಗೆ ಇಳಿದ ಹಾಗೆ
ಹರಿದ ನಿನ್ನ ಕಣ್ಣ ಹನಿಗೆ ಮಣಿದ ಮಾತು
ಕೆಸರ ಹಾರಿ ದೂರ ದಾರಿ ಸಾಗುತಿರಲು
ನಿನ್ನ ಹೆಜ್ಜೆ ಗುರುತಿನಲ್ಲಿ ಕುಣಿದ ಮಾತು
ಹಿಮದ ಜಡದ ಇರುಳಲಿ ಬಿಸಿಯನೂದುತಲಿ
ಕಾಯುವ ಮುರಳಿಯ ಉಸಿರಿನಾಳದ ಮಾತು
ಮುರಳಿ ಹತ್ವಾರ್
೩೦.೦೪.೨೦೨೦
ಹೇಗೆ ಹೇಳಲಿ ನಿನಗೆ ನನ್ನ ಮನದ ಮಾತು
ಇಬ್ಬನಿ ತೊಳೆದ ನಸುಕಿನಲ್ಲಿ ಹೊಳೆದ ಮಾತು
ಉಷೆಯ ಲತೆಯಂತೆ ಬಳುಕಿ ಸರಿದಿರಲು ನೀ
ಒಡೆದ ಆ ಕೆಂಪು ಚಿಗುರಿನಲಿ ತೆರೆದ ಮಾತು
ಉರಿವ ಬಿಸಿಲ ಧಗೆ ಬೆವರ ಮಳೆ ಸುರಿದಿರಲು
ನಿನ್ನ ನೆರಳ ಆ ಸೆರಗುಗಳು ಪೊರೆದ ಮಾತು
ಮುನಿದ ಮುಗಿಲು ಇಳೆಗೆ ಇಳಿದ ಹಾಗೆ
ಹರಿದ ನಿನ್ನ ಕಣ್ಣ ಹನಿಗೆ ಮಣಿದ ಮಾತು
ಕೆಸರ ಹಾರಿ ದೂರ ದಾರಿ ಸಾಗುತಿರಲು
ನಿನ್ನ ಹೆಜ್ಜೆ ಗುರುತಿನಲ್ಲಿ ಕುಣಿದ ಮಾತು
ಹಿಮದ ಜಡದ ಇರುಳಲಿ ಬಿಸಿಯನೂದುತಲಿ
ಕಾಯುವ ಮುರಳಿಯ ಉಸಿರಿನಾಳದ ಮಾತು
ಮುರಳಿ ಹತ್ವಾರ್
೩೦.೦೪.೨೦೨೦
No comments:
Post a Comment