ಕೋವಿಡ್ದು ಕೋಟೆಯ ನುಂಗಿತ್ತಾ

ಕೋವಿಡ್ದು ಕೋಟೆಯ ನುಂಗಿತ್ತಾ 
ನೋಡವ್ವಾ ತಂಗೀ
ಕೋವಿಡ್ದು ಕೋಟೆಯ ನುಂಗಿತ್ತಾ

ಇಲಿಯು ಬೆಕ್ಕನ್ನು ನುಂಗಿ
ಗಿಳಿಯು ಹಾವನ್ನು ನುಂಗಿ
ಹಾರಲು ಬಂದ ಬಾವಲಿಯನ್ನು
ಚೀನಾ ನುಂಗಿತ್ತಾ

ನೋಡವ್ವಾ ತಂಗೀ...

ಮಾಸ್ಕು ಮುಖವನ್ನು ನುಂಗಿ
ಗ್ಲೋವು ಬೆರಳನ್ನು ನುಂಗಿ
ಮುಚ್ಚಲು ತಂದ ಪ್ಲಾಸ್ಟೀಕು
ಮೈಯನು ನುಂಗಿತ್ತಾ

ನೋಡವ್ವಾ ತಂಗೀ...

ಚಿಲಕ ಬಾಗಿಲ ನುಂಗಿ
ಮನೆಯು ಆಫೀಸನು ನುಂಗಿ
ಅಡ್ಡಾಡಲು ಬಂದ ಅಣ್ಣನನ್ನು
ಲಾಠಿ ನುಂಗಿತ್ತಾ

ನೋಡವ್ವಾ ತಂಗೀ...

ದೇಶ ಕೋಶವ ನುಂಗಿ
ಆಳು ಒಡೆಯನ ನುಂಗಿ
ಮಾತಿಗೆ ನಿಂತ ಟ್ರಂಪನನ್ನು
ಮೈಕು ನುಂಗಿತ್ತಾ

ನೋಡವ್ವಾ ತಂಗೀ...

ಗುಡಿಯು ಗಡಿಯನ್ನು ನುಂಗಿ
ಮಡಿಯು ಮಲಿನವ ನುಂಗಿ
ಮೋಸಕೆ ನಿಂತ ಮರುಳರನ್ನು
ಸೇವೆಯು ನುಂಗಿತ್ತಾ

ನೋಡವ್ವಾ ತಂಗೀ... 

ಕೋವಿಡ್ದು ಕೋಟೆಯ ನುಂಗಿತ್ತಾ
ನೋಡವ್ವಾ ತಂಗೀ
ಕೋವಿಡ್ದು ಕೋಟೆಯ ನುಂಗಿತ್ತಾ!

ಮುರಳಿ ಹತ್ವಾರ್
೨೫/೦೪/೨೦೨೦