ಘಜಲ್
ಮತ್ತೆ ಬೇಕೆನಿಸಿದೆ...!
ತಂಪು ಕನ್ನಡಕಗಳ ಹೊಳೆಸಿದ ಆ ಕಿರಣಗಳು ಮತ್ತೆ ಬೇಕೆನಿಸಿದೆ
ಕನಸಿನ ಹೊದಿಕೆಗಳಲಿ ಅರಳಿದ ಆ ಇರುಳುಗಳು ಮತ್ತೆ ಬೇಕೆನಿಸಿದೆ
ಅಮ್ಮನ ಕೈತುತ್ತು ಅಪ್ಪನ ಬೆರಳು ಬರೆಸಿ ಬೆಳೆಸಿದ ಆ ಹೆಜ್ಜೆಯ ಗುರುತು
ನಡೆದ ದಾರಿಗೆ ನೆರಳಿತ್ತ ತಂಪಿನಾ ಮರಗಳು ಮತ್ತೆ ಬೇಕೆನಿಸಿದೆ
ಚಿಗುರೊಡೆದ ಮೀಸೆಯ ಹರೆಯ ತಾ ಚುಂಬಿಸಲು ನಾಚಿದಾ ಸವಿ ಹೃದಯ
ಯೌವನದ ದಿನಗಳ ಶೃಂಗರಿಸಿದ ಗೆಳೆತನಗಳು ಮತ್ತೆ ಬೇಕೆನಿಸಿದೆ
ಉರಿವ ಬಿಸಿಲ ಕ್ಷಣಗಳ ಪಯಣ ಕೆಲವೊಮ್ಮೆ ನಮ್ಮೀ ಜೀವನ ಯಾನ
ಮೈಮರೆಸುವ ಅಮೃತ ಗಾನದ ಮುರಳಿಯ ಕೊರಳು ಮತ್ತೆ ಬೇಕೆನಿಸಿದೆ!
ಮುರಳಿ ಹತ್ವಾರ್
No comments:
Post a Comment